Padraic Colum

Leabhair atá sa bhailiúchán seo faoi Pádraic Colum nó scriofa ag Pádraic Colum - file cáiliúil Éireannach, drámadóir, úrscéalaí, údar scríbhneoireachta do pháistí agus béaloideasaí. Tá réimse leathan d'ábhair sa bhailiúchán. An eol duit, mar shampla, gur chuir Colum go leor bailiúchán de mhiotaseolaíocht na Polainéise, le chéile. Is fiú breathnú ar thrí imleabhar speisiúil - Tales and Legends of Hawaii.

Aiste Ghaolmhar:
Padraic Colum, le Brendan Leen.
¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯
"I printed poets, sad, silly and solemn: I printed Patrick What-do-you-Colm."
      James Joyce, Gas from a Burner
"Is cinnte nár chruthaigh Colum chomh maith is a bhí daoine ag súil leis ina óige ach ní féidir a shéanadh ach oiread gur féidir é a áireamh ar cheann de na daoine a mhúnlaigh an drámaíocht in Éirinn - go háirithe le The Land, The Fiddler's House and Thomas Muskerry. Bhí sé leis ar cheann de phríomh-dhamadoirí a linne."
Andrew Malone, The Irish Drama Bhí athair Pádraic Colum ina mháistir ar theach na mBocht i Longfort. Is ann a rugadh Pádraic ar 8ú Nollaig 1881 - file, úrscéalaí, bailitheoir béaloideasa. Susan a bhí ar a mháthair.
Chaith sé na blianta tosaigh sa Longfort agus sa Chabhán go ndeachaigh an chlann go Sandycove i mBaile Átha Claith mar a raibh a athair i gceannas ar an stáisiún traenach. D'fhreastail sé ar bhunscoil Glas Tuathail agus ag aois 17 mbliain, tar éis ocht mbliain de scolaíocht fhoirmeálta d'eirigh leis sa scrudú do chléireach san "Irish Railway Clearing House". Is ag an am seo a thosaigh sé ag scríobh filíochta agus drámaí cé go mbíodh lá oibre naoi n-uair a chloig aige, sé lá na seachtaine
Ag aois dhá bhliain agus fiche fuair sé scoláireacht cúig bhliain ó Thomas Kelly, pátrún saibhir Meiriceánach, do thréimhse staidéir agus scríbhneoireachta i UCD. Foilsíodh roinnt dá dhánta tosaigh i nuachtán Arthur Griffith The United Irishman. Fuair The Poor Scholar, ardmholadh agus chuir W.B Yeats spéis faoi leith ann.
Sa bhliain 1902 bhuaigh dráma leis The Saxon Shillin duais Chumann na nGaedhael - dráma a bhí mar bholscaireacht in aghaidh saighdiúirí Éireannacha ag liostáil in Arm Shasana. Chuir Colum aithne ar na dearthaireacha Fay, William agus Frank, nuair a léiríodh The Saxon Shillin agus tugadh cuireadh dó a bheith páirteach sa Chumann Náisiúnta Amharclainne. Bhí sé ar cheann de shínitheoirí bhunaidh do Amharclann na Mainistreach agus scríobh se trí cinn des na drámaí tosaigh a léiríodh inti. The Land(1905), The Fiddlers House(1907) agus Thomas Muskerry (1910). Cuireadh na mílte fáilte roimh an chéad dá dhráma mar léiriú ar réalachas nua sa drámaíocht Éireannach. Dúirt léirmheas amháin ar The Land:
"Cé nach nós dul chuig an amharclann an tráth seo bliana bhí lucht féachana díograiseach i láthair aréir le breathnú ar léiriú de chuid An Cumann Náisiúnta Drámaíochta. Is sa dráma "The Land" is mó go raibh an spéis. Teideal uailmhianach cinnte ach is ar éigin go bhféadfaí teacht ar aon theideal eile. Tá tionchar na talún le brath ar chuile rud a bhain leis an dráma - agus tá na haisteoirí mar an gcéanna - pé grá nó gráin don talamh a bhí i gceist. Thar rud ar bith eile, tá ar chumas shaothar Colum daoine aonracha a chruthú. Tá canúint Colum le moladh. Tá beocht inti, thar aon rud eile. Tá idir téagar, éagsúlacht agus grinne ag baint léi - go fiú liriciúil. Tá forfeacht fhoirmeálta chaidéiseach ag baint leis an ndráma. Coinníonn sé go h-iomlán an aontacht ama - tarlaíonn chuile short taobh istigh de dhá uair an chloig. Is ar éigin go bhfuil aon dráma eile a léiríodh in Amharclann na Mainistreach a chuaigh i gcionn chomh mór ar an lucht féachana. Ba mhinic cheana níos mó de lucht féachana ach ní fhaca mé riamh dream a bhí chomh díograiseach."

Ar an dtaobh eile den scéal, cheap na léirmheastoirí go raibh barraíocht gruamachta ag baint le Thomas Muskerry.
Is ar éigin gur chuir Colum sárobair den scoth ar fáil ina dhiaidh sin, ach ba leor na drámaí tosaigh le genre réalaíoch de dhrámaí tíre a bhuanú - a bhí mar stór suntasach de chuid Amharchlann na Mainistreach. Dhiúltaigh Amharclann na Mainistreach níos déanaí do The Saxon Shillin - ar bhonn gur bholscaireacht frith-earcaiochta a bhí ann - cinneadh faoi dear do Arthur Griffith agus Maude Gonne éirí as an Amharclann Náisiúnta.
1 - 2 - 3 - 4